ഗാനം
*****---
പ്രണയമായെന്നിൽ നീയലിയുമ്പോൾ
കൃഷ്ണാ....
രാധയായ്, അറിയാതെ ഞാനാടുന്നുവോ?.
സ്വരരാഗമായെന്നിൽ നീ നിറയുമ്പോൾ
മീരയായ് ഞാൻ സ്വയം മാറുന്നുവോ?...
(കൃഷ്ണാ........)
തളരുന്ന നേരത്തു ദാഹമകറ്റാനായ്
യമുനതൻ തീരത്തു വന്നിരിക്കേ..,
കണ്ണാ, നീ പ്രേമകടാക്ഷങ്ങളെയ്യുമ്പോൾ
പ്രണയിനിയായി ഞാൻ മാറുന്നുവോ?
(കൃഷ്ണാ.......)
മധുരമാം മുരളീഗാനത്തിൽ മുഴുകുമ്പോൾ
മാധവം പൂത്തുലയുന്നപോലെ!
തുടികൊട്ടിയാടുകയാണെന്നുമെൻ മനം
മുരളീധരാ നീയെന്നരികിൽ വരൂ...
(കൃഷ്ണാ.......)