കാണണമെനിക്കെന്റെ ഭഗവാനെ
കാനനവാസനാം മണികണ്ഠനെ..
കലികാലദോഷങ്ങൾ തീർത്തിടുവാൻ
കലിയുഗവരദാ അനുഗ്രഹിക്കൂ...
(സ്വാമിയേ ശരണം )
വ്രതശുദ്ധിയാൽ ഇനി ശരണംവിളി,
ഭക്തിതൻ നിറവിൽ നിറയും മനം!
മഞ്ഞിൻചേലയുടുത്തിതാ വരവായ്
മണ്ഡലമാസം വ്രതമാസം!
(സ്വാമിയേ ശരണം )
തൊഴുതുകൊണ്ടിന്നു ഞാൻ ശരണം
വിളിക്കുമ്പോൾ,
എന്നാത്മാവും നിറയുന്നു....
സ്വാമിയേ ശരണം വിളിയാൽമധുരം
പൊന്നമ്പലമേടും ഭക്തിസാന്ദ്രം..
(സ്വാമിയേ ശരണം )
പറയാതെ വന്നെന്റെയോരം ചേർന്നു
അറിയാത്തമട്ടിൽ നീ തൊട്ടുനിന്നു .
മറ്റാരുമറിയാതെ മൗനത്തിൻതീരത്ത്
മിഴികളൊരായിരം കവിതച്ചൊല്ലി.
(പറയാതെ വന്നെന്റെയോരം)
നീർമാതളചോട്ടിൽ പൂത്തുനിന്നു
കവിഭാവനകളിൽ മുഴുകിനിന്നു.
കാറ്റു വിളിച്ചിട്ടും കിളിമൊഴി കേട്ടിട്ടും
അറിയാതെയെങ്ങോ തരിച്ചുനിന്നു.
(പറയാതെ വന്നെന്റെയോരം)
ഏഴഴകുള്ളൊരീ സ്വപ്നങ്ങളിലെന്നും
സ്നേഹാർദ്രമാകുമീയീരടികൾ
അകലെയിരുന്നൊരു പൂങ്കുയിൽ പാടി,
മധുരമനോഹരമീ പ്രണയഗീതം !
