പറയാൻ മറന്ന വരികൾ
++++++++++++++++++
എത്ര നാളായി കാണുന്നു നിന്നെ ഞാ-
നത്ര നാളും പറയാൻ മറന്നുപോയ്.
ഇത്രനേരം നിനച്ചു ഞാനെങ്കിലും
വ്യർത്ഥമാവില്ല ചിന്തകളൊട്ടുമേ.
മധുരമോർമ്മകൾ പുണരുന്ന നേരമെൻ
പറയുവാനുള്ളതെല്ലാം മറന്നുപോം..
നിന്നരികിൽ ഞാൻ ചേർന്നു നിന്നീടവേ
നിദ്രയും വിട്ടകന്നു പോകുന്നുവോ?..
ചന്തമേറും കിനാവുകൾ കണ്ടു ഞാൻ
ചിന്തേരിട്ടു മിനുക്കും ദിനങ്ങളിൽ
ചിത്തിലെത്ര കാവ്യങ്ങളെഴുതി ഞാ-
നൊക്കെ നിന്നോടു ചൊല്ലാൻ മറന്നുപോയ്!
