ചെറിയ ചിന്തകള്‍

പെയ്യാൻ വെമ്പുന്ന 
കാർമേഘങ്ങൾ
മിഴിപ്പീലിയിൽ ഊയലാടവേ ..
പിണങ്ങിപ്പോയൊരാ 
ഓർമ്മച്ചിന്തുകൾ 
കരളിൽ കനവുകൾ നെയ്യുന്നു..
..........................................
വരൂ .. 
പോകാം നമ്മൾക്കാ ഷാരോണിൻ തീരത്തേക്ക്
ഹൃദയാകാശത്തിലെ 
സ്നേഹപ്പറവകളെ പറത്തിവിടാo.. 
ആ സുന്ദരതീരത്ത്....!
.................................................
നീറിപ്പിടിക്കുമീ മനസ്സിന്റെ വേദന 
മിഴിനീരാലൊന്നു കഴുകിയപ്പോൾ
നേരിൻ വഴിയിൽ കേട്ടുവോ കാലത്തിൻ 
നേർത്തൊരു നോവിൻ പദനിസ്വനം.
.....................................................
തമ്മിൽ തമ്മിൽ വെട്ടി മരിക്കാൻ
ആയുധത്തിനു മൂർച്ചകൂട്ടുന്നവരേ,
ആരാണ് നിങ്ങളുടെ ദൈവം?
.............................................
വേനലിൻ കാഠിന്യത്തെ
വാടാതെ ചെറുക്കുന്ന 
വേദനകളിലൊന്നും
പതറാതുളളം കാക്കും
ഏതു കാറ്റിലുമുലയാതെ
നില കൊള്ളുമൊരു
പെൺപൂവാവണം.
................................................