അതിർവരമ്പുകൾ

അധരച്ചൂടിന്റ പൊള്ളലിൽ നിന്നായിരുന്നു

സൗഹൃദത്തിന്റെ 

പവിത്ര മുത്തുകൾ ചിതറിപ്പോയത്!

ഉതിർന്നു വീണ മിഴിനീർതുള്ളികൾ 

ഒപ്പിയെടുത്ത മൊഴിയിടങ്ങളിൽ

അഴിഞ്ഞു വീണത് സ്നേഹത്തിന്റെ 

വിശുദ്ധ കുപ്പായമായിരുന്നു.. 

ലംഘിക്കപ്പെട്ട അതിർവരമ്പുകളിൽ

നിന്നുതിർന്ന തളർച്ചകളാണ്

സ്നേഹോഷ്മള വാക്കുകളെ വിഷലിപ്തമാക്കി  മാറിയത്.. 

അനർഹമായ 

അവകാശവാദങ്ങളുടെ

വഴുവഴുപ്പിൽ തെന്നി വീഴുമ്പോളാണ് 

ബന്ധങ്ങളൊക്കെ 

ബന്ധനങ്ങളെന്നറിയുന്നത്.

~