കാത്തിരിക്കുകയാണിന്നുമാ
മിഴികളാരെയോ ?
കാലം പിന്നോട്ടോടീടവേ..
കേൾക്കാൻ കൊതിക്കയാണാ
സ്വരം പിന്നെയും
പാതിയിൽ നിന്നതിൻ ബാക്കിയായി..
കിനാവിലിന്നിത്തിരി
നേരമെന്നരികിലിരുന്നു തൊട്ടുതലോടിയതാരോ!
പൂർണ്ണത തേടുന്ന
സ്വരരാഗ വാടിയിൽ
വാക്കുകളായിരം പൂക്കളായി... !
ഋതുമാറി വന്നപോൽ
പൂക്കും വസന്തമായ്
നിനവിൽ നിലാമഴ പെയ്തനേരം
കൊഴിഞ്ഞൊരാ കാലത്തിൻ
മോഹവും സ്വപ്നവും ബാക്കിയായി!
തളിരിട്ട മോഹങ്ങൾ,
നിറമുള്ള സ്വപ്നങ്ങൾ,
കുഞ്ഞിളം കാറ്റിൻതലോടൽ പോൽ
പടിവാതിലിൽ വന്നു
പാടിയ പൂങ്കുയിൽ.....
പാതിരാസ്വപ്നമായ് മാഞ്ഞുവല്ലോ!
~
No comments:
Post a Comment