നോവിക്കാനാവുമോ?
***********************
നീറും മിഴികളിൽ പേമാരിപെയ്യുന്ന
സുഖമെന്തന്നറിഞ്ഞിട്ടുണ്ടോ?
കദനം നിറഞ്ഞ കരളിന്റെയാന്തൽ
നീർമിഴികളിൽ നിറയുന്നതറിഞ്ഞിട്ടുണ്ടോ?
നൊമ്പരവീണയിലെ തന്ത്രികൾമീട്ടി
ഇടറാതൊരു ഗാനം പാടിയിട്ടുണ്ടോ?
പാഴ്മുളംതണ്ടിലെ രാഗപരാഗത്തിൽ
ഇടനെഞ്ചിൽ പൂമഴപെയ്തിട്ടുണ്ടോ?
ആത്മബന്ധങ്ങൾക്കിടയിലുമാരു -
മില്ലാതെയന്യനായ് നിന്നിട്ടുണ്ടോ?
നോവിൻപാതയിലൂടെ വന്നവരെങ്കിൽ
മറ്റുള്ളവരെ നോവിക്കാനാവുമോ?
No comments:
Post a Comment