അഭയം തരൂ കണ്ണാ..
*****************
അഗതിയായ് കണ്ണാ, വരവായി ഞാൻ
ഗുരുവായൂരമ്പലനടയിൽ!
ഇനിയുള്ളകാലം നിൻ നടയിലെങ്ങാനും
തരണേയെനിയ്ക്കൊരിടം!
(അഗതിയായ്......)
ദുഃഖങ്ങളെല്ലാം കർപ്പൂരധൂമമായ്
സത്ക്കർമ്മം പൂജാപുഷ്പങ്ങളായ്
തിരുനാമങ്ങളാൽ തിരുമുന്നിലർപ്പിക്കാം
ദീപാരാധന തൊഴുതുനില്ക്കാം!
(അഗതിയായ്......)
ഇനിയുള്ളകാലമതെന്തെന്നറിയില്ല
ഇനിയെന്നുമാശ്രയം നീ മാത്രമായ്!
ആശകളൊക്കെയും സഫലമായിടാനായ്
കണ്ണാ, കനിയേണമെന്നുമെന്നും!
(അഗതിയായ്......)
No comments:
Post a Comment