മൗനത്തിനപ്പുറം
***************
നിന്നെക്കുറിച്ചുള്ള ഓർമ്മകളിൽ
ഇന്നെന്റെ മൗനം ചിരിയ്ക്കുന്നു.
പടവുകൾ താണ്ടിയെത്തിയ
നിഴലുകൾ മറഞ്ഞുപോകുന്നു.
വേലിക്കെട്ടുകൾക്കപ്പുറത്തേക്ക്
നോക്കിയ മിഴികൾ
അറിയാതെ നിറഞ്ഞുപോകുന്നു!.
നീർമാതളത്തെ തളിർപ്പിക്കും
വർഷമായ് പൊഴിയുന്നേരം
വിടചൊല്ലും കാലം
യാതൊന്നുമറിയാതെപോകുന്നു
വിരഹാർദ്രമായ് നിറയുന്ന മിഴികൾ
ഓരോ കഥ പറയുന്നു.
ഉപേക്ഷിക്കപ്പെട്ട സ്വപ്നങ്ങളുടെ മാറാപ്പിൽ
മോക്ഷം കാത്തുകിടന്ന മോഹങ്ങൾ.. അതിന്റെ ഗർവ്വന്വേഷിച്ചെത്തിയ കാറ്റ്
ആകാശത്തിന്റെ ശൂന്യതയിലേക്ക് അലിഞ്ഞലിഞ്ഞകലുന്നു..
No comments:
Post a Comment