മടക്കമില്ലാത്ത മറുലോകം തേടി
മറഞ്ഞു പോകുന്നിതോരോ മുഖങ്ങളും...
തിടുക്കമില്ലാത്ത
മറവിയാഴങ്ങളിലേക്ക്
ഊളിയിട്ടു പോകുന്നിതോർമ്മകൾ
മെല്ലെ മെല്ലെ ..
തടുക്കുവാനാവില്ലല്ലോ,
മരണമെന്ന നിത്യസത്യം!
സഹിക്കാതെ പറ്റില്ലാല്ലോ,
മുന്നോട്ടോടും യാത്രയിൽ ..!
പ്രായഭേദമില്ലാതെ
തട്ടിയെടുക്കപ്പെടുന്ന ജീവിതങ്ങൾ
കറുത്ത പുകച്ചുരുളുകളായി
കാഴ്ചകൾ മറയ്ക്കുന്നു .
കണ്ണീർമിഴികളാൽ
അസ്തമയം കണ്ടുകൊണ്ടെങ്ങനെ,
നഷ്ടജീവിതങ്ങൾ
കഴിക്കുമീയുലകിൽ ശിഷ്ടകാലം?
No comments:
Post a Comment