കരയുന്ന മിഴിയുമായ് നിൻ മുന്നിലെത്തവേ
പൊഴിവതാനന്ദാശ്രുബിന്ദുമാത്രം!
ഒക്കെ നിൻ മായയോ, മുരളീധരാ! നിൻ പ-
രീക്ഷണം തന്നിൽ ഞാൻ വീണതാമോ?
എന്മിഴിപ്പൂക്കളാലർച്ചിച്ചു നിന്നെ ഞാ-
നഴലാർന്ന മിഴികളാൽ നോക്കിയപ്പോൾ
പുഞ്ചിരിയ്ക്കും നിന്റെ വദനമാധുര്യത്തിൽ
നെഞ്ചിലെ നൊമ്പരമൊഴിഞ്ഞു പോയി!
കുസൃതിയിലാകെ മയങ്ങിപ്പോയി, പറ-
യാനുള്ളതെല്ലാം മറന്നുപോയി!
മായയിലാകെ മുഴുകിയെന്നോ, കണ്ണാ
അറിയാതെ നിന്നിലലിഞ്ഞുപോയോ?
No comments:
Post a Comment