സ്വന്തം
*******
സ്വന്തമായെന്തുണ്ട് പെണ്ണേ, ചൊല്ലൂ
"സ്വന്തം എനിക്കെ"ന്നു ചൊല്ലാൻ?
ചൊടികളിൽ പുഞ്ചിരിയല്ലോ? അയ്യോ,
ലിപ്സ്റ്റിക്കിൻ ചന്തമതാണേ..
നാണത്താലല്ലേ തുടുത്തൂ, കവിൾ?
ചായചുവപ്പാണതെല്ലാം.
നിൻമിഴിക്കെന്തൊരു ചന്തം പെണ്ണേ?
കണ്മഷി ചാർത്തിയതല്ലേ.
വാർമുടിക്കെട്ടിനഴകോ കേമം!
വിഗ്ഗാണതൊക്കെയും പൊന്നേ..
ചന്ദനവർണ്ണമാണല്ലോ ദേഹം?
ഈ നിറം ഫൌണ്ടേഷനാണേ.
ചിത്രത്തിൽ നീയെന്തഴക്? കേട്ടോ,
ഫോട്ടോഷോപ്പാണത് സത്യം
സ്വന്തമായെന്തുണ്ട് പെണ്ണേ, ചൊല്ലൂ
ഞാൻ മാത്രമാണെന്റെ സ്വന്തം.
No comments:
Post a Comment