അറിയില്ലെനിക്കൊട്ടും പാടുവാനെങ്കിലും
താരാട്ടുപാടിഞാനെത്രയെന്നോ!
കേട്ടുമറന്നുപോയ് മക്കളിന്നെങ്കിലും
ഓർത്തുമൂളുന്നു ഞാനേകയായി, വീണ്ടു-
മോർത്തു മൂളുന്നു ഞാനേകയായി....
(അറിയില്ലെനിക്കൊട്ടും)
ഇന്നൊരു താരാട്ടു പാടണമമ്മക്കായ്
സായാഹ്നയാത്രികയായതല്ലേ!
എൻ മടിത്തട്ടിന്റെ ചൂടിൽ മയങ്ങുമ്പോൾ
പൊഴിയുന്നു വാത്സല്യമിഴിനീർക്കണം!
(അറിയില്ലെനിക്കൊട്ടും)
താലോലം പാടി ഞാൻ കോരിത്തരിക്കുമ്പോൾ
എന്മനം സ്നേഹത്താൽ വിങ്ങുകയായ്.
ഓർമ്മകൾ മൂളുന്ന കൊഞ്ചലുകൾ, എന്റെ
താരാട്ടിന്നീണമായ് മാറുകയായ്.
(അറിയില്ലെനിക്കൊട്ടും)
No comments:
Post a Comment