സൃഷ്ടി

 സൃഷ്ടി

*******

തൂലികയേന്തവേ മാത്രമറിയുന്നു,

സൃഷ്ടിതൻ വേദനയെത്രമാത്രം!

അക്ഷരം വാക്കായി, വരികളായിട്ടതി- 

ലൊരു നല്ല കവിത വിരിയുവാനായ്,

ഉള്ളിലൊരഗ്നിപ്രകാശപ്രഭാവമായ്

തെളിയുവാനായതു പടരുവാനായ്

സ്വസ്ഥമായുള്ള മനസ്സു വേണം; സദാ

വാഗ്ദേവിതന്റെയനുഗ്രഹവും.

അക്ഷരപ്പൂക്കൾ വിരിയവേ,യുൾത്തട-

മക്ഷയനിധിയായ് വിളങ്ങീടവേ,

നക്ഷത്രകാന്തിയുതിരും മനസ്സതി-

ലൊരു നവ്യസൃഷ്ടി പിറക്കുകയായ്!

നന്മകൾ ചെയ്തു കൊണ്ടൂഴിയെ

പുഷ്കലമാക്കണമെന്നുമെന്നും.

നല്ല പിറവിയതൊന്നിനു മാത്രമായ്

തൂലികയെന്നും ചലിച്ചിടാവൂ!