നിന്നോര്‍മ്മയില്‍
നിറയുമെന്‍
മിഴികളില്‍
വര്‍ണ്ണങ്ങള്‍
വറ്റാത്തൊരായിരം
സ്വപ്നങ്ങള്‍.
ഇന്നു നീ
അരികിലായില്ലെങ്കിലും
നിന്റെ ഓര്‍മ്മകളിന്നും
കൊഴിഞ്ഞു-
വീഴാത്ത
പൂക്കളായി നില്‍ക്കുന്നു...
നിന്നെക്കുറിച്ചുള്ള
ഓര്‍മ്മകളാണെന്റെ
ശക്തി .
ഇന്നു
നിന്‍ കൈ താങ്ങലുകളില്ലാതെ
ഞാന്‍ തളര്‍ന്നിരിക്കുന്നു.
വേര്‍പാടിന്റെയും
വേര്‍പിരിയലിന്റെയും
നൊമ്പരമാണു
നീയെനിക്കിന്ന്.
നിന്റെ
ശബ്ദം കേള്‍ക്കാത്ത രാത്രികളില്‍
മൂകമായെന്‍
കര്‍ണ്ണങ്ങള്‍ തേങ്ങുന്നു.
എന്‍ സ്വപ്നങ്ങളും മോഹങ്ങളും
കരിന്തിരി
കത്തി എരിഞ്ഞൊടുങ്ങുന്നു !!
ഒടുവിലൊരു
നാള്‍ അദ്യശ്യയായെങ്കിലും
നിന്നിലേക്കണയുവാന്‍
വല്ലാത്ത മോഹം !
വേറിട്ടു
പോയത് നിന്‍ ദേഹമെങ്കിലും !!
ദേഹിയിന്നും
വേര്‍പിരിയാതെ
എന്നില്‍
നിറഞ്ഞു നില്‍ക്കുന്നു..
No comments:
Post a Comment