മോക്ഷം
*********
വിങ്ങുമെന്നകക്കാമ്പിൽ
തിങ്ങുന്ന വാക്കുകളാൽ
പൊള്ളുന്നു യാഥാർഥ്യങ്ങൾ
ഗദ്ഗദം തേങ്ങീടുന്നു
സ്നിഗ്ദമാം ഓർമ്മകളിൽ
ചാഞ്ചാടും സുഗന്ധമായ്
ചാരുവാം മോഹങ്ങളും
നീർക്കുമിളയായ് മാറി.
മോചനമിനിയെന്നാകും
അറിയില്ലതെന്നാലും
അകലം മാറ്റിടാനായ് നാം
ഉള്ളു തുറന്നീടണം.
അന്തമില്ലാത്ത പുഴയായ്
ഒഴുകി പ്രണയാബ്ധിതൻ
ശാന്തിതീരത്തണഞ്ഞീടാൻ,
മോക്ഷം കാത്തിനിയെത്ര നാൾ?
No comments:
Post a Comment