ഇരുളും വെളിച്ചവും

ഇരുളിൻ മറുപാതി വെളിച്ചെമെന്നറിഞ്ഞു

അഴലിൽ ഉഴലാതെ ജീവിക്കുക നാം

ജീവിതവീഥിയിൽ ഇരുൾപരത്തും ദുഃഖത്തെ,

വകഞ്ഞു മാറ്റുന്നു സൗഹൃദവെളിച്ചങ്ങൾ.

ഇരുട്ടിൻ കമ്പളം വാരി പുതയ്ക്കുമ്പോൾ

ചെറു സുഷിരങ്ങളിലൂടെയെത്തുന്ന തരിവെട്ടം

താരകങ്ങളായി ഗഗനത്തിൽ മിന്നുമ്പോൾ

പ്രതീക്ഷയായി പുൽകുന്നു പുലർകാലകിരണം.

ഏകാന്തതയുടെ ഇരുൾപ്പടവിലിരുന്നു കൊണ്ടു

മോഹഭംഗങ്ങളെ താലോലിക്കുമ്പോൾ

മിന്നാമിനുങ്ങിൻ പ്രകാശംപ്പോലെയെത്തുന്നു

പുതുവെളിച്ചെവുമായി നവപ്രത്യാശകൾ.