ഗജവീരനാണു ഞാനറിയില്ലയോ, ദേവ-
നടയിലാണുത്സവം കൊടിയേറവേ.
കാതടപ്പിക്കുന്ന ചെണ്ടമേളം, വെടി-
യൊച്ചകൾ, തല്ലുകൾ, ദാരിദ്ര്യവും!.
എങ്കിലും ഹരമത്രെ കാണുന്നവർക്കെല്ലാം,
തലകുലുക്കിത്തന്നെ നില്ക്കവേണം.
പൂരം തുടങ്ങിയാൽ മേളക്കൊഴുപ്പിനായ്
വേണമീവാരണമെന്നു സത്യം!
മസ്തകത്തിൽ ഞാൻ തിടമ്പേറ്റിനിൽക്കവേ
യോഗ്യനെന്നെന്നെ വാഴ്ത്തീടുമാരും!
വേദന സഹിക്കാതെയൊന്നിടഞ്ഞാലോ...
ഭീകരനെന്നും അവർ പുലമ്പും!!
No comments:
Post a Comment