മെല്ലവേ പോവതുണ്ടിടവഴികളിലൂടെ
ആടുമേയ്ക്കുന്ന പെൺജീവിതക്കോലങ്ങൾ.
ചിന്തതൻ ഭാരവും നെഞ്ചിലേറ്റി, താളം
തെറ്റാതെ വയറുകൾ പോറ്റിടാനായ്!
ഭയമേതുമില്ലാതെ മുന്നോട്ടു നീങ്ങുവാൻ
ജീവിതമാറാപ്പിൽ ദുരിതങ്ങളേറെയു-
ണ്ടെങ്കിലും തളരാതെ ലക്ഷ്യത്തിലെത്തുവാൻ
വിതറുന്നു മോഹപ്പൂ വീഥിയിലൊക്കെയും!
കാലമിന്നെത്രയോ മാറിയെന്നാകിലും
ഇടവഴികൾ ടാറിട്ടവഴികളായെങ്കിലും
വിണ്ണോളമുയരുന്നു പെൺമോഹമൊക്കെയും
മാറിമറയുന്നിതാ ജീവചര്യാക്രമം!
No comments:
Post a Comment