വന്നൊന്നു കാണുവാൻ മോഹം, കൃഷ്ണാ....
കനിവേകൂ നിന്നടുത്തെത്താൻ.
എത്രയോ നാളായ് കൊതിച്ചിരിപ്പൂ ഞാൻ
നിൻപദപങ്കജം കൈവണങ്ങാൻ.
(വന്നൊന്നു കാണുവാൻ.....)
മനസ്സിലെ മോഹങ്ങൾ തുളസീദളങ്ങളായ്
കോർത്തിതാ ഭക്ത ഞാൻ മുന്നിലെത്തി.
കണ്ണീരിനാലെ നിൻ പാദം കഴുകാനായ്
ഉള്ളം തുടിയ്ക്കുകയല്ലോ!... എന്നും
ഉള്ളം തുടിയ്ക്കുകയല്ലോ!...
(വന്നൊന്നു കാണുവാൻ.....)
തിരുനാമമന്ത്രങ്ങൾ ചൊല്ലി ഞാൻ നിൽക്കാം
ഭക്തിതൻ പാൽപ്പായസം നേദിക്കാം.
ഈ മണ്ണിലെൻ ജന്മം സഫലമായ്ത്തീരണം
ആ ദിവ്യരൂപം തൊഴുതീടട്ടെ, കണ്ണാ...
ആ ദിവ്യരൂപം തൊഴുതീടട്ടെ
(വന്നൊന്നു കാണുവാൻ.....)
No comments:
Post a Comment