ഓടി വാ കണ്ണാ

എത്രയായ് കാത്തിരിക്കുന്നു ഞാൻ കണ്ണാ

അത്രമേലിഷ്ടമല്ലേ നിന്നെയിന്നും!

വ്യർത്ഥമാക്കല്ലേ നീയെന്നിലെ മോഹങ്ങൾ

നഷ്ടമെന്തൊരീ വേളയരികിലെത്താൻ?

ഇന്നു ജന്മാഷ്ടമി നിൻ തിരുനാളല്ലയോ

ഞാനുമെൻ തോഴിമാരും കാത്തിരിപ്പല്ലേ!

നറുനെയ്യും വെണ്ണയുമുണ്ടിടേണ്ടേ, കണ്ണാ,

പൊന്നുണ്ണിക്കണ്ണാ നീ ഓടി വായോ..

നിൻ പാദസ്പർശനമേറെകൊതിച്ചിന്നും

വൃന്ദാവനമൊരുക്കി,യൂഞ്ഞാൽ കെട്ടി

വാത്സല്യദുഗ്ദം ചുരത്തിടാനമ്മമാർ

വിസ്മയക്കാഴ്ചയുമൊരുക്കിനില്ലൂ.