മിഴിനീരിൽ തളിരിട്ട നൊമ്പരപ്പൂവുകൾ-
ക്കിത്രമേലാരേ നിറം കൊടുത്തൂ?
കളിയും ചിരിയും പിണക്കവുമായ് കൂടെ
വന്നവർ വിതറിയ സ്വപ്നങ്ങളോ?
കൂട്ടത്തിൽ തോഴരായ് കൂടെ വന്നുള്ളവർ
തോറ്റം പറഞ്ഞു രിപുക്കളായോർ.
തോൽപ്പിക്കാൻ മാത്രം തുണയായി വന്നവ-
രാകെ രുധിരം കുടിച്ചു വീർത്തു.
പൊളികൊണ്ടു വേലികെട്ടുന്നവർ, പിടയുന്ന നെഞ്ചിന്റെ നോവറിഞ്ഞീലതെന്നോ!
ജീവിതം ഭൂമിയിൽ ഹോമിച്ചു തീരുമ്പോൾ
നിറമില്ലാ മോഹങ്ങൾ ബാക്കിയെന്നും.
No comments:
Post a Comment