ഉറ്റവരുമായ് കൂടി ധനത്തിനായ്
അറ്റുപോവുന്നുടയവരൊക്കെയും.
അൽപ്പചിന്തയാലന്യോന്യമാരെയും
കണ്ടിടാതെ നടക്കുവോരൊക്കെയും.
കണ്ടതും കേട്ടതും ചൊല്ലി നിന്നവർ
കണ്ട ഭാവം നടിക്കാതെയെപ്പൊഴും
കിട്ടിയ നേട്ടം പോക്കറ്റിലാക്കവേ
മാറിടുന്നു കോമാളിയായ് സത്യവും!
കാത്തിരിപ്പിനൊടുവിലായുണ്മതൻ പൂത്തിരികൾ തെളിയവേ ചുറ്റിലും
വെണ്മയാൽ തുടിയ്ക്കും ബന്ധമൊക്കെയും
ബന്ധനത്തിലായ്ത്തീരും പൊളിമൊഴി!
ഇന്നനർഹമായ് നേടുന്നതൊക്കെയും
തെല്ലഹങ്കാരമൊന്നുയർന്നീടവേ
അല്പമാത്രമാമായുസ്സുകൊണ്ടെല്ലാം
അന്യമായ്ത്തീരുമില്ലൊട്ടു സംശയം!
No comments:
Post a Comment