കൂരിരുട്ടിൽ തിരയുന്നിതേവരും
താളമറ്റൊരു ജീവിതയാത്രയിൽ.
വന്നടുത്ത ബന്ധങ്ങളാലേവരും
ബന്ധനത്തിലായ് പോയ ജന്മങ്ങളോ..!
ധീരമായ് തന്നെ മുന്നേറിയെങ്കിലും
വെട്ടിമാറ്റിയവരകന്നെങ്കിലും
വിട്ടു മാറീലഴലുകൾ പിന്നെയും
ചുട്ടുപൊള്ളുന്ന വേദന ബാക്കിയായ്.
പിൻതിരിഞ്ഞു നോക്കാതെയവിശ്രമ-
മോടുവാനായ് ശ്രമിച്ചുവെന്നാകിലും
കഷ്ട,മേറെ തളർന്നൊരെൻ ചിന്തയി-
ലൊട്ടു നോവുകൾ മിച്ചമാകുന്നുവോ?
No comments:
Post a Comment