നിലാവ് പെയ്യാത്ത രാത്രി
...................................
കരിനിഴൽ വീഴ്ത്തുന്ന
അഴലുകൾക്കിടയിൽ
പൗർണമിയും പിണങ്ങി നിൽപ്പൂ..
ആരവമില്ലാതെ മൂകം നിശീഥിനി
നീയെനിയ്ക്കിന്ന് കൂട്ടായതോ..!
ചന്ദ്രികതന്നൊളി കനവു കണ്ടേപ്പോഴും
ചന്ദനത്തേരേറീ വന്ന കിനാവുകൾ
ചമയങ്ങളേതുമില്ലാതെ നിൽക്കുന്നിതാ
വെൺ നിലാവില്ലാത്ത രാവിനു കൂട്ടായ്..
മാറി ഋതുക്കളോരൊന്നു വരികിലും
വിരിയുമീ നൊമ്പരപ്പൂവുകളൊക്കെയും
കൊഴിയാതെയെന്നിലായ് പുൽകി നിന്നിടവേ
പ്രണയിച്ചു. പോകുമിരുട്ടിനെപ്പോലും..!
No comments:
Post a Comment