വാടാത്ത സ്നേഹം

വൃദ്ധദിനം പ്രമാണിച്ച്

വൃദ്ധസദനത്തിലെ

വസ്ത്രദാന ചടങ്ങിനെത്തിയ

മകനെ കണ്ടു കണ്ണു നിറഞ്ഞ

അമ്മയോടഛന്‍ ചൊല്ലി..

കരയരുത് , നിന്റെ കണ്ണീര്‍

അവനു ശാപമായാലോ?

കരഞ്ഞതല്ല .സന്തോഷം കൊണ്ട്

കണ്ണു നിറഞ്ഞതെന്നു അമ്മ.

അങ്ങോട്ട്‌ മാറി നില്‍ക്കാം...

നമ്മളെ കണ്ടാല്‍ മോന്

നാണക്കേടാവില്ലേ?

വസ്ത്ര ദാനത്തിനാദ്യം വിളിച്ച ,

പേരു കണ്ടു നടുങ്ങിയ

മകന്റെ കണ്ണുകളില്‍ നിന്നും

ഉതിര്‍ന്ന നീര്‍മണികള്‍ തുടയ്ക്കാന്‍ ,

എല്ലാം മറന്നോടിയെതിയ

അമ്മയെ ചേര്‍ത്ത് പിടിച്ചവന്‍ പറഞ്ഞു..

അവനിയും അമ്മയും ഒരുപോലെ..

മാതാപിതാക്കളെ നോക്കാന്‍

സമയമില്ലാത്ത , നമ്മള്‍

എങ്ങനെ മറ്റുള്ളവരുടെ 

ദു:ഖമറിയും?

ഓരോരുത്തരും തങ്ങളുടെ

അച്ഛനമ്മമാരെ ചേര്‍ത്ത് പിടിച്ചു

പടിയിറങ്ങിയപ്പോള്‍ ..

വരുമാനം നഷ്ടപ്പെട്ട വേദനയില്‍

തലയില്‍ കയ്യും വച്ചിരുന്നുപോയി

പാവം ഭാരവാഹികള്‍...