അയാള് പറയുന്നു..
കഴിഞ്ഞ ജന്മത്തിലെ
സ്വന്തമാണ് നീ.
സ്വന്തം ?
അമ്മയോ,പെങ്ങളോ,ഭാര്യയോ ,
കാമുകിയോ, അതോ മകളോ?
ജന്മാന്തരങ്ങളായ്
അലയുന്ന ഒരാത്മാവിന്റെ
നിതാന്തമായ തേങ്ങലോ...
കാണാത്ത മുഖവും ,
കേള്ക്കാത്ത സ്വരവുമായ്
എന്നിലലിഞ്ഞു ചേരുന്ന
അയാള് ആരാവും..
അര്ത്ഥതലങ്ങള്
തേടിയലയുവാന്
സമയമില്ല.
തിരഞ്ഞു നടക്കുവാന്
ത്രാണിയുമില്ല
എങ്കിലും....
വേദനയിലേക്കിഴഞ്ഞെത്തുന്ന
തൂവല് സ്പര്ശം പോലെ
തിരയും തീരവും തമ്മിലുള്ള
ആത്മബന്ധം പോലെ ....
ആരാണയാള്??
മുജന്മത്തിലെ പിതാവോ,
സഹോദരനോ, മകനോ, ?
പ്രണയവാതിലിന്റെ
കള്ളതാക്കോലുമായി വരുന്ന
കാമുകനോ അതോ,
ഉപബോധമനസ്സിന്റെ
കടലിരമ്പുകളില് നിന്നുയരുന്ന
ചിത്തഭ്രമമോ..
ആരായിരിക്കും ?
sundaramaaya varikal congrats
ReplyDeleteReally amazing. .....
ReplyDeletethank u
ReplyDeletethank u...biju
ReplyDelete