നാളെയെന്തെന്നുള്ള ചിന്തയും പേറി
നാടകെയോടുന്നു നാമെല്ലാരും
നാളെയെന്നൊന്നുണ്ടോ? ചിന്തിച്ചീടിൽ
നാളെ നാമെല്ലാരും ഓർമ്മ മാത്രം..!
ഇന്നിനെ സ്നേഹിച്ചു ജീവിച്ചീടാൻ
ഇന്നെത്ര പേർക്ക് കഴിഞ്ഞീടുന്നു.
ഇന്നിന്റെ നൊമ്പരം, നാളെയെന്നോർമ്മയിൽ
മോഹങ്ങളൊക്കെയും ചാമ്പലാക്കും!
അങ്ങോളാമിങ്ങോളം ജീവിതപ്പാതയിൽ
ആരാരുമൊന്നിച്ചുണ്ടാകയില്ല.
ആവുന്നപോലെ നാം ബന്ധങ്ങളൊക്കെയും
ആത്മാവിൽ കാത്തുസൂക്ഷിച്ചുപോകാം.
കാത്തിരിപ്പൊന്നിനും അർത്ഥമില്ലാക്കാലം
കാഴ്ചക്കാരായീടും ബന്ധുജനങ്ങളും
കാണേണ്ട കാഴ്ചകളൊന്നുമേ കാണാതെ, കല്പാന്തകാലം നാമോടി കിതച്ചീടുന്നു.!
No comments:
Post a Comment