അ
***
അക്ഷരപ്പൂക്കളായെന്നിൽ വിരിഞ്ഞിടും
അക്ഷയസുന്ദരവാടിയായ് നീ
അക്ഷീണമെന്നിൽ നിറഞ്ഞു നിന്നീടുമോ
അക്ഷരനക്ഷത്രമെന്നപോലെ..
ക
***
കരളിൽ വിരിയുന്ന മോഹമെല്ലാം
കദനത്തിൻ പൂക്കളായ് വാടിടുമ്പോൾ
കഥകളും ചൊല്ലിയണഞ്ഞൊരു പൈങ്കിളീ,
കട്ടുവോ നീയെന്റെ സ്വപ്നങ്ങളെ?
**************
സ
***
സന്താപനാശനാ സർവേശ്വരാ,യെന്നും
സന്തോഷമെങ്ങും ചൊരിഞ്ഞീടണേ.
സന്തതം കൂടെയുണ്ടാവണേ, ഞങ്ങൾക്കു
സർവ്വസമൃദ്ധിയും നൽകിടേണേ!
മ
***
മറവിയാൽ കളയണം ദുഃഖങ്ങളൊക്കെയും
മനസ്സിലാമോദം നിറയ്ക്കേണമെപ്പൊഴും.
മരണമെത്തീടുമിങ്ങൊരുദിനമെങ്കിലും
മനതാരിൽ സുന്ദരസ്വപ്നങ്ങൾ കാണണം.
മാനസകോവിൽ പവിത്രമായ്ത്തീരണം
മാനവധർമ്മങ്ങൾ പാലിച്ചുകൊള്ളണം!
No comments:
Post a Comment