പകലിന്റെ പൊള്ളുന്നപൊളികൾ കേട്ടോ
രാവിത്ര ഗദ്ഗദംപൂണ്ടോനില്പു..!
രാവിന്റെ മറവിലെ ചെയ്തികൾ കണ്ടതോ
മിഴിചിമ്മിനിൽക്കുന്നു പൂന്തിങ്കളും!
പൊയ്മുഖമോരോന്നഴിഞ്ഞു വീഴുന്നതീ-
യിരുളിന്റെയേകാന്തയാമങ്ങളിൽ!
വെട്ടത്തിൽമിന്നും മുഖങ്ങളതൊക്കെയും
വീഴുന്നു രാവിന്നിരുൾക്കയത്തിൽ!
പിൻവിളിക്കൊന്നും കാതോർത്തു നിൽക്കാതെ
പകലോൻ വന്നു വർണ്ണങ്ങൾ വിതറവേ..
കാഴ്ചകൾക്കപ്പുറമുള്ള ഇരവിന്റെഗദ്ഗദം..
കേൾക്കാനുമറിയാനും ആരുണ്ടീ ഭൂവിൽ..!
No comments:
Post a Comment