സ്വപ്നം
********
നിറമുള്ള സ്വപ്നങ്ങൾ കണ്ടുറങ്ങി
നിറമേഴും മോഹങ്ങൾ പെയ്തിറങ്ങി
അറിയാതുണർത്തിയ പുലരിയിലന്നെന്റെ
കനവിലും വർണ്ണങ്ങൾ ചിറകടിച്ചു.
പ്രിയമുള്ളൊരാളാരോ അരികിലെത്തി
പ്രിയമോടെ ചേർത്തെനിയ്ക്കുമ്മ തന്നു
വാത്സല്യച്ചൂടിനാൽ ചെന്നിരുന്നപ്പോൾ
അച്ഛന്റെ സ്നേഹം കുളിരുമ്മയായ്!...
കാഴ്ച്ചകളായിരം കാട്ടിത്തന്നെന്റെ
കരളിൽ പ്രതീക്ഷയായെന്റെയച്ഛൻ!
അറിയാതെ മെല്ലെയുണർന്നീടവേ
തുണയില്ലാതയ്യോ! ഞാനേകയായി..
No comments:
Post a Comment