ഒറ്റപ്പെടൽ
..............
മൗനം കൂടിയപ്പോഴാണ്
ഹൃദയഭിത്തികളിൽ പായൽ
പിടിച്ചത്,
ഒറ്റപ്പെടലിന്റെ വഴിവക്കിൽ കണ്ടുമുട്ടിയ
മഞ്ഞുമലയിൽ തട്ടി മനസ്സിടറിയത്.
അവഗണനയുടെ മുൾപ്പടർപ്പിൽ
നിന്നും ഓടിയൊളിച്ചതോ...
ഇരയെ കാത്തിരിക്കുന്ന വന്യതയിലേക്ക്..!
തിരിച്ചിറങ്ങാൻ പറ്റാത്തവിധം
കുടുക്കിട്ട കുറുക്കന്റെ ബുദ്ധിയിൽ
വീണുപോകുന്ന ഇരകൾ..
തിരിച്ചറിവിന്റെ വഴിയിലൂടെ
ഓടിയെത്തുമ്പോഴേക്കും
നഷ്ടങ്ങൾ മാത്രമാവും ബാക്കി..!
ജീവിതത്തിൻ്റെ മുൾപ്പാതയിലൂടെ
വ്രണിതഹൃദയവുമായി
നടന്നുനീങ്ങുമ്പോൾ
ഇടറുന്ന കാൽപ്പാദം തേടുന്ന
വഴിയേതുമാവാം ..
No comments:
Post a Comment