ശാസ്ത്രത്തിന്റെ വളർച്ചയിൽ
തെളിവുകൾ കൊണ്ട് വേലികെട്ടി
സത്യം പുകച്ചുരുളാൽ മറയപ്പെടുമ്പോൾ..
പാതിവഴിയിൽ ഒടുങ്ങുന്നു പല ജീവിതങ്ങളും..!
ഇരട്ടത്താപ്പുമായി വിധി നിന്നു ചിരിക്കുമ്പോൾ
വിവേകമില്ലായ്മയുടെ ഉമിത്തീയിൽ
നീറിയൊടുങ്ങുമ്പോൾ
പരിഹാസരായി തീച്ചൂളയിലൂടെ നടന്ന്
പുകച്ചുരുളുകളായി തീരുന്ന യുവത്വങ്ങൾ..!
കൈപിടിച്ചുയർത്തേണ്ടവർ പോലും
കരളിൽനിന്നും പറിച്ചെറിയുമ്പോൾ
കടലാഴങ്ങളെ സ്നേഹിക്കാൻ മാത്രം
തുടിക്കുന്ന മനസ്സായ് മാറുമവരുടെ നാളെകൾ..!
തിരസ്കാരത്തിന്റെ നോവുപടിയിൽ
തട്ടിവീണുഴറുന്ന വാക്കുകൾക്ക് കൂട്ടായ്
ചിതറിത്തെറിച്ച വിശ്വാസത്തുണ്ടുകളും
മൗനനൊമ്പരച്ചിന്തുകളും മാത്രം..!!
No comments:
Post a Comment