ജീവിത യാത്ര

സ്നേഹക്കടലിലെ തോണിക്കാരാ

കദനക്കടലില്‍ വീഴ്ത്തരുതേ..

പ്രിയതരമാമൊരു പാട്ടുപാടൂ

വിരഹഗാനമാകരുതേ...

.

നിന്‍ സ്വരമാധുരി ഇന്നെന്‍റെയുള്ളില്‍

തേന്മഴയായി പെയ്തീടുന്നു.

നിന്‍റെ അദൃശ്യാംഗുലികളെന്‍

ഹൃദയ വീണയില്‍ ശ്രുതിമീട്ടുന്നു..

പരിഭവ പിണക്കങ്ങള്‍ മറക്കാം

പരിപാവന ജീവിതം തുടരാം.

ക്ഷണികമീ ജീവിതയാത്രയിലെ

നീര്‍കുമിളകള്‍ മാത്രമല്ലേ നാം...

ഒരു നാളില്‍ നമ്മളെ തേടിയെത്തും

വിളിക്കാതെ എത്തുന്ന അതിഥിയവന്‍

പാഴാക്കാനിനി തെല്ലും നേരമില്ല,

പാഴ്വാക്കുകളിനി ചൊല്ലീടണ്ട.

ജീവിതത്തിന്‍റെ പൂമരചില്ലയില്‍

കളിചിരി കൊണ്ടൊരു കൂടുകൂട്ടാം

സ്നേഹത്തിന്‍റെ വസന്തമൊരുക്കി

ജീവിതയാത്ര സുഗമമാക്കാം...