പാഴ്മരം.

താലോലം പാടിയുറക്കിയ അമ്മയെ

കുത്തുവാക്കുകളാല്‍

പൊള്ളിക്കരുതേ, പൊന്‍മകനേ....

ജീവിക്കുവാൻ വേണം പണം ,

പക്ഷേ, രക്ത ബന്ധം പണത്തിനുമപ്പുറം.

പാഴ്മരം പോലെ നിനക്കു ഞാനെങ്കിലും

സ്നേഹത്താല്‍ തുടിക്കുന്നു അമ്മ മനം

വാര്‍ദ്ധക്യം തളര്‍ത്തിയ

ശരീരത്തിൽ വാക്കുകളാൽ കുത്തരുതേ.

നീറും മനസ്സിലും നേരുന്നു നിനക്കായ്

നേര്‍വഴിപാതയും നന്മകളും.

തായ്മരം വേരറ്റു വീണാലും

കാലം മറക്കട്ടെ ഈ കഥകളെന്നും.... ...