അമ്മത്തൊട്ടിൽ

അമ്മത്തൊട്ടിലേറുന്നോരീ കാലത്ത്

അമ്മിഞ്ഞപ്പാലിനായുഴലും കുരുന്നുകൾ.

മാതൃത്വത്തിന്റെ മഹത്വം മറക്കുന്നു,

മാറു ചുരത്തുന്നതറിയാത്ത മാതാക്കൾ.

ആരുമില്ലാതെ തൊട്ടിലിൽ കിടന്നവ-

നെത്രയോ പേരുടെയരുമയാണിപ്പൊഴും!

ആശ്രയമില്ലാത്ത ബാല്യങ്ങളെത്രയോ

തൊട്ടിലിന്നലിവിനാലെത്ര സനാഥരായ്!

അനാഥർക്കഭയമാണെന്നുമീത്തൊട്ടിലെന്നാകിലും, നാം മാതൃസ്നേഹമറിയണം.

അവഗണനയില്ലാതെ,യരുമയോടെന്നും

സാന്ത്വനമാവണം അമ്മത്തൊട്ടിലുകൾ!