പല മുഖങ്ങള്‍

അപ്രതീക്ഷിതമായി 
കണ്ടു ഞാനിന്നവനെ,
നിര്‍വികാരതയെന്തന്നറിഞ്ഞു...
കരയാനും ചിരിക്കാനും 
വയ്യാത്തൊരവസ്ഥയില്‍.
വഴിയോരയാത്രികര്‍ 
മാത്രമായ്...
വാക്കിന്റെ മൂര്‍ച്ചയില്‍ 
വെട്ടിനുറുക്കി,എന്‍ 
വേദന കണ്ടു രസിച്ചു 
ചിരിക്കുമ്പോള്‍ ...
കണ്ടു ഞാനവനിലെ 
കുറുക്കന്റെ ബുദ്ധിയും,
ആരോരുമറിയാത്ത 
അഴിയാത്ത മുഖവും ..
പ്രതികാരമുള്ളിലും 
വദനത്തില്‍ പുഞ്ചിരിയും 
പരിചിത ഭാവത്തില്‍ 
പലരിലും പടരുമ്പോള്‍ ,
വീഴാതിരിക്കട്ടെ.. അവനുടെ വലയില്‍ 
കഥയറിയാതെ ,മറ്റൊരു മാന്‍പേട.