പുകഞ്ഞുകൊണ്ടിരിക്കുന്നു
ഒരു തീമല തലയില്‍
പൊട്ടിതെറിക്കുവാന്‍
വെമ്പുന്ന മനസ്സും..
പിന്നോട്ട് വലിക്കുന്ന കാലാനുഭവങ്ങള്‍, മുന്നില്‍ നിരക്കുന്നു അപ്രിയസത്യങ്ങള്‍..
അരങ്ങുകള്‍ വാഴും നടികര്‍ക്ക് മുന്നില്‍ സത്യങ്ങള്‍ ചൊല്ലിയാല്‍ വിഡ്ഢിയായി മാറീടും..
പച്ചവേഷമായി കൂടെ നടന്നവര്‍ കത്തിവേഷം കെട്ടി ആടി രസിച്ചീടും..
പലവിധ വേഷങ്ങള്‍ ആടാന്‍ കെല്‍പ്പുള്ളവര്‍ സ്വാര്‍ത്ഥതയുടെ കൊടുംകാറ്റില്‍ എല്ലാം നശിപ്പിച്ചിടും.
കാലമവരെ തിരിച്ചറിവിന്‍ തീരത്തെത്തിക്കുമ്പോള്‍ ശൂന്യതയാലവര്‍ വലയം ചെയ്തീടും ..
പിന്നോട്ടോടി കിതച്ചു വീണീടുമ്പോള്‍ മുന്നില്‍ നിന്നട്ടഹസിക്കും അവനവന്റെ ചെയ്തികള്‍.
കോപംകൊണ്ട് വാക്കിന്‍ വാളെടുക്കും മുമ്പൊന്നു ചിന്തിച്ചീടുക സത്യവും ധര്‍മ്മവും ചിരഞ്ജീവികളാണെന്ന്
കപടതകളെ മൂടി- വെക്കാനാവില്ലൊരു നാളും തനിരൂപം കാട്ടി ചതിക്കുമൊരു നാളില്‍...
പിന്നോട്ട് വലിക്കുന്ന കാലാനുഭവങ്ങള്‍, മുന്നില്‍ നിരക്കുന്നു അപ്രിയസത്യങ്ങള്‍..
അരങ്ങുകള്‍ വാഴും നടികര്‍ക്ക് മുന്നില്‍ സത്യങ്ങള്‍ ചൊല്ലിയാല്‍ വിഡ്ഢിയായി മാറീടും..
പച്ചവേഷമായി കൂടെ നടന്നവര്‍ കത്തിവേഷം കെട്ടി ആടി രസിച്ചീടും..
പലവിധ വേഷങ്ങള്‍ ആടാന്‍ കെല്‍പ്പുള്ളവര്‍ സ്വാര്‍ത്ഥതയുടെ കൊടുംകാറ്റില്‍ എല്ലാം നശിപ്പിച്ചിടും.
കാലമവരെ തിരിച്ചറിവിന്‍ തീരത്തെത്തിക്കുമ്പോള്‍ ശൂന്യതയാലവര്‍ വലയം ചെയ്തീടും ..
പിന്നോട്ടോടി കിതച്ചു വീണീടുമ്പോള്‍ മുന്നില്‍ നിന്നട്ടഹസിക്കും അവനവന്റെ ചെയ്തികള്‍.
കോപംകൊണ്ട് വാക്കിന്‍ വാളെടുക്കും മുമ്പൊന്നു ചിന്തിച്ചീടുക സത്യവും ധര്‍മ്മവും ചിരഞ്ജീവികളാണെന്ന്
കപടതകളെ മൂടി- വെക്കാനാവില്ലൊരു നാളും തനിരൂപം കാട്ടി ചതിക്കുമൊരു നാളില്‍...
No comments:
Post a Comment