ഓർമ്മച്ചിത്രം

അച്ഛന്റെ കൈവിരൽ തൂങ്ങി നടന്ന ബാല്യം

അല്ലലേതുമേ അറിയാഞ്ഞ കാലം,

വാത്സല്യച്ചൂടിൽ മയങ്ങിക്കിടക്കുമ്പോൾ

അച്ഛനാണീലോകമെന്നറിഞ്ഞ കാലം.

എത്രയോ സുന്ദരക്കാഴ്ചകൾ കണ്ട് 

പാടവരമ്പിലൂടെയോടി നടന്നു..

തൂക്കുപാത്രത്തിലെ ചൂടുകഞ്ഞിക്കന്നു

അച്ഛന്റെ വിയർപ്പെന്നറിയാഞ്ഞ കാലം.

ഓടിനടന്നെല്ലാം നേടിക്കഴിയുമ്പോൾ 

ഓർമ്മകൾ താലോലം പാടിടുമ്പോൾ

തെക്കെപ്പറമ്പിലെ തെങ്ങോലത്തുമ്പത്ത്

പമ്പരമാകുന്നെൻ ബാല്യകാലം!