കാലം മാറിവന്നിട്ടും
നീയേകിയ പെരുമഴക്കാല-
മെന്തേ എന്നെവിട്ടു പോയീലാ?
എത്ര വേനലുകൾ മാറിവന്നിട്ടും
നീ തന്ന മുറിവിടങ്ങളെന്തേ
ഇനിയുമുണങ്ങീലാ?
ഋതുക്കൾ മാറി വന്നിട്ടും
നമ്മൾക്കിടയിലെന്തേ
വസന്തമെത്തീലാ?
മഞ്ഞുപൂക്കൾ കൊഴിയുന്നു;
മകരപ്പെയ്ത്തിൽ നനയുകയാണു ഞാൻ!
സായാഹ്നമണയാറായി;
കൂടുമാറിപ്പോയ നീയിന്നാരെ തേടുന്നു?
നിന്റെ ചിറകുകൾക്കു ബലം കുറഞ്ഞുവോ?
താണു പറക്കുകയിനിയും,
തളരാതെ കൂടണയുക.
നോക്കൂ, കിളിവാതിൽ
തുറന്നു കിടക്കയാണിപ്പോഴും.
നേർത്തു കേൾക്കുന്നുവോ
ആ പൂങ്കുയിൽ നാദം!
No comments:
Post a Comment