മദ്യം എന്ന വിപത്ത്

ഈശ്വരൻ കനിഞ്ഞു നല്കിയ ജീവിതം 
മനുഷ്യർ നമ്മൾ നശിപ്പിക്കുമ്പോൾ,
സ്വകാര്യ ദു:ഖം പോലെയെന്നുള്ളിലും 
നീറ്റലിലാഴുത്തുന്നു എൻ ഏട്ടന്റെ ഓർമ്മകൾ ...
ചെറുപ്പത്തിന്റെ ചോരത്തിളപ്പിൽ 
സൌഹൃദങ്ങൾക്ക് കൊഴുപ്പ് കൂട്ടുവാൻ,
സമയം കൊല്ലിയായ് തുടങ്ങുന്നു 
'മദ്യപാനം' എന്ന  ഓമനപ്പേരിലും ..
കരളിനെ കാർന്നു  തിന്നുന്നു മദ്യവും 
പലവിധ രോഗങ്ങൾ പിന്നാലെ എത്തുന്നു .
ചോര നീരാക്കി വളർത്തിയ ഉണ്ണിതൻ 
ദുരവസ്ഥ കണ്ടു തളരുന്നു താതനും ..
കടലോളം സ്നേഹം കരളിൽനിറച്ചൊരു,
മാതാവിൻ കണ്ണീരും കാണാതെ പോകുന്നു. 
മരണം വന്നു മുഖാമുഖം കാണുമ്പോൾ 
കഴിഞ്ഞ കാലങ്ങളെ ഓർക്കുവാൻ പോലും
സമയമില്ലാതെ തേങ്ങുന്ന ജീവനെ,
കൊണ്ടുപോയീടാൻ എത്തുന്നു കാലനും ..
ഹൃദയത്തിൽ ഉണങ്ങാത്ത മുറിവുകൾ തന്നവർ 
ഈ ലോകം വിട്ടു പോയീടുമ്പോൾ,
അനാഥമായ് പോയൊരു കുടുംബത്തിൻ 
വേദന മാറ്റുവാൻ ആർക്കാണു കഴിയുക ?