നുറുങ്ങു കവിതകൾ

പരിഭവം 

പറയാൻ വയ്കിയ വാക്കുകളാൽ 
ഇന്ന് പരിഭവം കേട്ടു തളർന്നീടുമ്പോൾ ..
പരിചിതഭാവം നടിക്കാതെ പോകുന്നു 
പരിചിതർ പോലും നടവഴിയിൽ ....

വിരഹം

വിരഹത്തിൻ വേദനയിൽ നിറയുന്ന കണ്ണുകളിൽ 
കദനത്തിൻ കവിതകൾ പിറവിയെടുക്കുന്നുവോ ? 
നോക്കുന്നിടത്തെല്ലാം ...ശൂന്യത മാത്രം ,
എൻ ചിത്തത്തിലോ ....നിൻ മുഖം മാത്രം .

ഹൃദയരാഗം 

ഹൃദയ രാഗത്തിൽ കവിതയെഴുതാം ഞാൻ, 
പ്രണയമായ് നീ കനവിൽ വന്നെങ്കിൽ ...
രാഗാർദ്ര ഭാവം നിന്നിൽ നിറയുമ്പോൾ -
സ്നേഹലോലയായ് ഞാൻ വരാം നിൻ ചാരെ .

അമ്മക്കിളി

വേടന്റെ അമ്പിനാൽ ചിറകൊടിഞ്ഞാ- 
കിളി, വേദന തെല്ലും അറിഞ്ഞതില്ല ....
കുഞ്ഞി കിളികളെ ഓർത്തു കൊണ്ടാ പാവം,
എല്ലാം മറന്നങ്ങിരുന്നുപോയീ ..