പുനർജനി
==≠======
നിന്റെ കാഴ്ചയ്ക്കുവേണ്ടി
എന്റെ കണ്ണുകള് നീ ചൂഴ്ന്നെടുത്തു.
നിന്റെ രക്ഷയ്ക്കു വേണ്ടി
എന്റെ കൈകാലുകള് നീ ബന്ധിച്ചു.
അപവാദച്ചുഴിയില്
ലോകത്തിന്റെ
മുന്നില് നഗ്നയാക്കി നിര്ത്തി
സംതൃപ്തിയടങ്ങിയ
മനസ്സുമായ് നീ
എന്നെ ആഴക്കടലില് മുക്കിതാഴ്ത്തി.
എങ്കിലും,
ആഘോഷത്തിമിര്പ്പില്
ജീവിതം കൊണ്ടാടുന്ന നിന്നുടെ മകളായ്
ഞാന് പുനർജ്ജനിക്കും;
അന്ന് നീ ഒരു ഭ്രാന്തനാകും.
കൊഴിഞ്ഞുപോയ ഈ
പുഷ്പത്തെ ഓര്ത്തല്ല,
കഴുകന്കണ്ണുകളില്നിന്നും
തന്റെ 'പൊന്മകളെ'
എങ്ങനെ രക്ഷിക്കുമെന്നോര്ത്ത്...!
No comments:
Post a Comment