ചേർത്തു പിടിക്കുന്തോറു൦
അകന്നു പോകുന്ന മനസ്സുകൾ...
ആരെയൊക്കെയോ
ബോധ്യപ്പെടുത്താൻ വേണ്ടി
വിളക്കിച്ചേർക്കുന്ന കണ്ണികൾ.
ശ്വാസ൦മുട്ടി ചുമയ്ക്കുന്ന
ഭ്രാന്തൻചിന്തകൾ.
വാക്കുകളിൽ മാത്രമൊതുങ്ങുന്ന
സാന്ത്വനങ്ങൾ.
തൂവൽകൊഴിഞ്ഞ മോഹപ്പക്ഷികൾ.
കപടത കണ്ടുമടുത്ത്
ആത്മാഹുതി ചെയ്ത
ഗതികിട്ടാമനസ്സുകൾ...
ഇല്ല .. ഇനി ഉയർത്തെഴുന്നേല്ക്കണ൦,
ഒരു ഫീനിക്സ് പക്ഷിയെപ്പോലെ.
എടുക്കണ൦,
അനീതിക്കെതിരെ ഒരു പടവാൾ.
തളയ്ക്കണം,
മദ൦ പൊട്ടിയോടുന്ന "മദയാനകളെ".
കൈകോർക്കണം,
കുറുക്കൻമാര്‍ക്കിടയിൽ
നിലവിളി കൂട്ടുന്ന
കുഞ്ഞാടുകളെ രക്ഷിക്കാൻ!.....
സ്വാർത്ഥചിന്തയില്ലാതെ
ജാതിമതവര്‍ണ്ണ വിവേചനമില്ലാതെ
ഇനി വരുമോ രക്ഷകന്മാർ?
No comments:
Post a Comment