മണ്ണും മനുഷ്യനും

കണ്ണു തുറക്കുക, കാതോർക്കുക 

മണ്ണിലൂടൊന്നു നടക്കുക, ജീവിതം

മണ്ണിന്റെ വരദാനമെന്നറിഞ്ഞീടുക,

ജീവന്റെ ജീവനീമണ്ണെന്നറിയുക!

ഉഴുതുമറിച്ചു നാം വിതയെറിഞ്ഞുണ്ണുമ്പോ-

ളറിയാതെ സമ്പത്തു കുമിയുമെക്കാലവും.

നന്മനിറഞ്ഞ മനസ്സതുണ്ടെങ്കിലോ

നിത്യസമൃദ്ധമായ്ത്തീരുമിജ്ജീവിതം!

എന്നിട്ടുമയ്യോ! മലീമസം ഭൂതല-

മെങ്ങും മലിനമാം ചിന്തകൾമാത്രമോ!

മണ്ണില്ലെങ്കിൽ മനുജനില്ല, ജീവ-

നെന്നെന്നുമാധാരമീമണ്ണുമാത്രമാം!