പ്രിയ സഖി

അറിയുന്നുവോ സഖീ ....നിൻ
കടമിഴികോണുകളിൽ,
വിരിയുന്ന എന്നുടെ സ്വപ്‌നങ്ങൾ ....

നിൻ  കവിളിണകളിൽ സഖീ ...
കുംകുമ രാശി പകർന്നതാര് ?
ഞാനോ, എന്നുടെ ഓർമ്മകളോ ,അതോ
നാണം കൊണ്ട് ചുവന്നതാണോ ?

എൻ ഹൃദന്തവീണയിൽ ഒരു
ഗാനശകലം മീട്ടുകില്ലേ ?
നിൻ കമനീയ രൂപം, എന്നുമെൻ
കരളിൽ കുളിരേകുന്നു, സഖീ ..

അറിയുന്നു സഖീ.. നിൻ അന്തരംഗം
അറിയില്ലെന്നു നീ നടിച്ചീടിലും
പറയു പ്രിയ സഖീ ...
നിൻ കടമിഴികോണുകളിൽ
വിരിയുന്നതെൻ സ്വപ്നങ്ങളല്ലയോ ....