ഗുരുസ്മരണ

ഗുരുസ്മരണ

***************

എത്ര സ്തുതിച്ചാലും മതിവരില്ലല്ലോ

ഗുരുദേവൻ തന്നുടെ സാരോപദേശങ്ങൾ

വർണ്ണവെറിയരുടെയുള്ളിലെ ഇരുൾ -

മാറ്റാൻ ദിവ്യപ്രകാശം പരത്തിയ ഗുരു.

ആത്മചൈതന്യതേജസ്സാലേവർക്കും

ആത്മഗ്ഗുരുവായി മാറിയ ഈശ്വരൻ

ചെമ്പഴന്തിയിൽ പിറവികൊണ്ട

ബ്രഹ്മചാരി

ലോകം മുഴുവനറിയുന്നോർ...

വിദ്യയോളമില്ല മറ്റൊരു ധനവുമെന്നോതി

വിദ്യാമഹത്വം മോഹമായി മാറ്റിയേവരിലും

മതത്തെ ത്യജിച്ചു, മനുഷ്യനായ് മാറുവാൻ

മഹദ് വചനങ്ങൾ ചൊല്ലിയ ഗുരുവേ,നമഃ

മറക്കരുതാരും ഗുരുദേവോപദേശങ്ങൾ

സച്ചിന്തയാൽ ജീവിക്കാൻ പഠിക്ക, നാം

ഗുരുദേവനേകുന്ന പൂജാപുഷ്പങ്ങളായി

മതമൈത്രിയോടെ ജീവിച്ചു മുന്നേറാം...

~