നഷ്ടബോധം

കുലീനമായ ആ ഗ്രാമഭംഗിയിൽ 
ഞാൻ എല്ലാം മറക്കുമായിരുന്നു ...
ആ പച്ചപ്പിൽ പോയിരിക്കുമ്പോൾ 
അമ്മയുടെ മടിതട്ടിന്റെ 
വാത്സല്യം അറിഞ്ഞിരുന്നു.
എന്റെ കണ്ണുനീർ മറയ്ക്കാൻ 
ചാറ്റൽമഴയായ് പെയ്തിറങ്ങും .
ഇളംവെയിലിന്റെ സ്വർണപ്രഭായാൽ ...
സന്തോഷത്തിന്റെ മാറ്റു കൂട്ടും ..
എന്നിട്ടും .....
അവളുടെ മനോഹാരിതയിൽ
തിരയിളകിയ എൻ കണ്ണുകളിൽ,
ദുരാഗ്രഹത്തിന്റെ തിമിരം ബാധിച്ചു.
ബഹുനില സമുച്ചയങ്ങളുടെ,
കൃത്രിമഭംഗിയാൽ... ആർഭാടം 
കുമിഞ്ഞുകൂടിയപ്പോൾ .....
മരവിച്ച മനസ്സിനു താങ്ങായ് ...
മുരടിച്ച കുറെ ചിന്തകൾ മാത്രം ബാക്കി ....